希望我可以盡量寫得好D, 等大家都有個參考!
回到前3天: 我同老公作最後排位, 簡簡單單咁整左個seating plan 同 枱號咭, 雖然簡單, 但我都幾滿意!
足足係公司攪到零晨兩點, 因為最後一天返工, 所以要係公司PRINT哂要嘅野先!
但好失察地用左粗雙面膠紙, 攪到插唔入佢原先個牌到, 為有插一半, 哈哈
LI個牌好簡單, 用EXCEL攪掂, 如果大家一樣想簡簡單單又唔想用佢果個, 我可share 個excel :)
另外最大工程就係完成排位, 堅頭痛!! 有D又13人不可拆, 有D得10-11人, 激死....LI個項目攪到癲左, 仲要為出咩格式而頭痛!
最後為左可整齊, 我用:
陳大文先生
陳大文夫人
陳大文闔府
大大工程之簽名版, 其實一路都係想D賓客可企係到簽名, 但我又唔想用foamboard, 因為太大, 留唔返...
所以我選擇效果無裱咁靚的"癡"方式!
先print 一張一樣尺寸的大畫(咁大都係$87), 再買現成白foamboard, 留意, 可搵左現成formboard大細先, 咪要好似我咁要駁formboard.
再一隻可"meat" 下的強力雙面膠紙, 即係貼上去癡力好勁, 但可以無痕咁"meat" 返落黎, 市面上係有架!
如果唔知邊隻, 我可提供相片~ 成品相:
再之後就係兩條自家片, Match in 我唔想整成長片段, 但又想share 我地LI 8年嘅開心事出黎, 所以我自制左條相+video 的短片,
老公之前未睇過, 當係送比佢嘅結婚禮物, heehee
另外一條, 就係送比屋企人嘅, 我覺得要係LI個人生最重要嘅日子表達所有想表達嘅野, 平時未必會講, 所以就同老公提議做條片比佢地!
佢地睇完個個喊到豬頭, 當然我同老公之後上台都係啦, 哈哈
兩條片我會係朋友版share :)
所有婚享如有相, 我只會係朋友 版share, 希望大家明白~
Seating plan 有冇相分享吓呢？我都頭痛緊點整。。。
回覆刪除我都係諗住喺公司print晒所有嘢！不過因為D紙係金黃色，好礙眼吖，要等人放晒工先靜雞雞印！
[版主回覆02/04/2013 10:55:08]無呀, 原來無人影過, 係呀, 我都係放工, 所以臨尾一日超夜走, 仲有, D人前幾日都唔覆架, 所以好難整個seating plan.