2010年結婚好年?

2010年係咪好年呢? 點解身邊咁多人結婚嘅? 2月, 4月兩單, 9月, 11月, 12月...嘩...窮! 都唔知仲有無D暗地裡攪緊...

上星期六做左第5次姊妹, 今次D姊妹我全部都唔識架...因為我同個新娘都好多年無見, 都有5年...不過都有係MSN同FB傾計, 不過當年我地又真係好FD低...所以佢一叫我都應承左, 其實我覺得朋友結婚, 真係一件開心事, 我唔會因為唔識其他人而堆左佢...但好彩地成班年輕人都好合拍, 好幫手, 我都未見過咁好嘅一班姊妹, 真係落手落腳幫手, 唔係花卉...仲要我地之前都無傾過...好勁! 班兄弟都OK, 都幾好玩! 最主要令到我地咁快熟嘅原因除左個個都差唔多年紀外, 係因為我地個妝...因為...醜都嘔, 竟然有化妝師將我地D缺點化哂出黎, 點攪呀? D遮霞就咁搽上去, THEN唔會堆散佢...個低成寸厚, 真係好似抆紅毛泥咁...癡線架...成班完全無心機影相...個頭又好求奇...不知所謂, 仲要係自己比錢! 我地只想快D搵地方落妝自己再化過...所以成日都係到講個化妝師, 唔熟就假啦...哈哈, 個化妝師唯一嘅好處就係令到我地熟得咁快!

其實自今次之後, 發覺姊妹真係好緊要, 真係要搵D幫得手, 因為之前做好多次姊妹, 好多都係花卉, 淨係識影相...幫唔倒...要諗清楚將來嘅姊妹團先得...

9月果單係最近先知, 當年中學時最要好嘅男同學結婚(其實係第一次鐘意嘅男仔), 好開心, 第一次有同學請飲...我地都到左適婚年齡嗎???

年尾果兩單...就係而家做緊PART TIME的兩位老細...好要好嘅朋友...但佢地都係乜都未攪...真係諗緊...佢地邊到趕得切呀??? 而家普遍都要一年時間...再要簡埋日子+WEEKEND的話, 要年半...好趕囉...睇黎要我LI個萬能員工幫幫手喇!

點解要咁對我...

上次提到我嘅工作...

而家仍然無改變, 講真, 我真係好低落...好唔開心, 喊過, 埋怨過, 想過放棄...等等, 當回想起5個月前發生嘅事, 心裡仲真係頂住頂住...

放完復活節假期後, 我諗得好清楚, 唔會係朋友公司轉長工, 為錢為將來都好...但果份去左2ND IN嘅工, 一直無聯絡我, 係咪出左咩事呢??? 自問2ND IN都傾得好好...忍唔住上星期SEND左EMAIL比HR, 佢過左兩日回覆話之前放左假, 會幫我跟進及KEEP INFORM....但再過了一個星期啦...都無消息, 我諗要放棄了...無理由等咁耐, 但我真係好唔明, 出左咩事...點解??? 我真的有問題嗎??? 真係好低落! LI份工真係好想做, 幾次啦...第二次FEEL到佢會請我, 但最終都...又要重新黎過了...我嘅光明幾時黎???

第五十三篇之廚房

因為無影低好醜嘅廚房, 所以無前後相, 男友最滿意之廚房~

煩

由失業到做PT到而家要決擇...LI 5個月真係我人生中最大嘅起跌...9月買左樓...10月阿姐分D重任比我...人生事業, 家庭兩得意之時...11月嘅變態事件...導致失業...人生真係跌入最低點...剛買樓但失業...玩我嗎? 一個月, 兩個月, 三個月過去...經過幾次見工失望之後...男友入院...第四個月新年, 市場更加缺少...有朋友相助...做住PT, 係朋友公司嘅兩個月做得好開心, 好RELAX, 無壓力, 朋友亦多次要求我做長工, 不過無乜福利, 人工比以前少20%...做嘅野唔同駛...我應該值得一試嗎? 但做左之後好難走...因為好好朋友...佢預左你係到做, 唔會預你走...人生交叉點...我現在需要錢同經驗...但佢兩樣都唔係好到...但PT錢仲少...唉! 到左我最煩惱嘅時間, 又有公司叫我去見工, 我都係諗住見下無況, 第一次見竟然見左4個鐘! 當然個心有祈望...點知...打黎有2ND IN...見左MD, 感覺都良好, 而家等緊有無OFFER...但朋友又要我7號答覆...唉, 究竟點呀...又唔知間公司請唔請我, 朋友又等左我好耐, 唉...我更係想做果間公司啦, 可以入返正職, 做返自己果行...LI 5個月, 好似不停退步咁...自己唔細, 唔想係到停留, 我熱愛工作, 想係自己仲侯生時學多D野, 不斷進步...大家請祝福我吧, 謝謝!

 

第五十二篇之新屋

大家都等左一段時間, 雖然屋企未完全執好, 當然係講緊書房啦...HAAA, 仲有D小物件未買, 不過因為太多人叫我比相佢睇, 所以就POST左先啦~