安仔自彈自唱

剛過去的星期六, 去左睇安仔演唱會, 一直都好想睇, 其實佢次次開親我都有睇, 佢係我地LI D 80後嘅回憶...果時失戀同單戀都會聽"心血" 聽24小時都OK...不過就喊足咁耐...D歌詞真係好頂架...

我睇第二場, 第一場之後已經好多新聞, 所以一知道安仔會自彈自唱"唯獨你是不可取替".....真係登一聲, E? 咁似某人嘅...佢仲話安仔炒佢添, 但人地彈哂成首, 仲唱埋添喎...THEN佢就話, 更係啦, 佢有專人教, 又有時間練.............................哈哈! OKOK, 我知佢已經出哂力架啦...

真係好感動, 同男友都有D眼濕濕...大家一齊睇下啦...

睇場

雖然LI到機會非常低...除非中六合彩啦, 哈哈, 不過都post下D相!

Ballroom

5th room

靚流梯

婚宴展VS婚紗展

我想問下, 有無人知道, 係酒店攪嘅婚宴展同會展嘅婚紗展嘅OFFER有咩分別? 係酒店嘅婚宴展攞PACKAGE都好貴下...MIN CHARGES都好高, 請問係會展攞D OFFER係咪好D架???? 點解D BLOG友講果D價同我攞到果D資料咁大出入.....

美白, 長髮

為左結婚, 有兩大事件...對我黎講都幾難...

美白

對鐘意曬太陽嘅我...美白真係幾痛苦! 一到夏天, 我同男友就會成日去沙灘曬太陽...但由今年開始, 我就要開始唔曬得, keep住D皮膚, 日日仲要搽防曬添....

長髮

基本上, 由我小學六年級由一頭長髮, 一日之間變成男仔頭之後...我都無再留過長髮, 一路都係短至中...一長少少我都會剪...但由於想結婚有一頭自然嘅長髮, 由今年1月起, 我就開始我嘅留長髮生涯...唉, 都唔知幾時先會長....

一句講哂, 都係為左個靚字!

Meeting with J.Y. @ Reno

早兩日收到Reno嘅e-mail, 話我地上次睇果D 相簿嘅場地轉裝修, 即係有新嘅場境, 佢驚我地會好介意, 所以話J.Y. LI個星期係香港, 叫我地可以去同J.Y.傾下, 會知道多D.

上到去, 我地見到對情侶, 熟口熟面咁, 跟住J.Y.去我地等等, 咁我地表明左上黎做乜, 咁佢開頭都有D煩咁嘅樣, 因為聽到我地話11月先影, 佢話佢係韓國人, 真係唔明白香港人嘅做法, 會係年幾前影相, 但韓國人係結婚前兩個月影, 同埋佢地攪結婚都係用上半年時間, 唔會好似香港咁, 一早BOOK定哂D野...其實我都明白, 因為香港LI樣野又真係幾...........佢話, 有好多客人唔接受個場轉左境, 因為簡佢地係因為D backdrop, 但我地同返J.Y.解釋, 我地雖然都會因為D backdrop, 但我地好相信佢地就算轉, 都有一定嘅質素, 我睇過以往3次轉...轉左D裝修, 但感覺一樣咁好, 同埋我最主意搵佢地嘅原因係佢地拍出黎嘅感覺同風格, 所以對我地黎講, 個backdrop會變, 我地完全可以接受.

佢話LI個影樓, 每日有10對新人影相, 每月就有300對...咁半年就............所以佢地一定要轉, 如果唔轉就會無左D新鮮感, 亦都比人影到爛哂...

really nice talking with J.Y., cant waiting to shooting laaaaaaaaaaaaaaaaaaa!!!

我要減肥!

事關我同男友係兩年前比賽過一次, 減肥...佢就更係增肥啦!  果次, 我成功減左12磅, 而佢就以增左10磅輸比我, 哈哈!

今次...因為年尾去影PRE-WEDDING, 再一次比賽, 大家都係以一個減得越多, 一個增得越多黎比賽! 限期第一輪定於7月13日, 即係我生日, 第二輪就係影PRE-WEDDING前一日!

其實LI個比賽都定左個幾月, 我都未開始, 哈哈, 不過眼見到夏天, 又見仲有兩個多月, 仲有仲有, 就係自己嘅體重直迫10年前最高峰, 所以我都係要開始啦! 今次我都係以運動為主先, LI排已經不停踩單車, 打羽毛球, 跑步, 不過LI D都唔係成日可以做到, 所以...我諗到方法啦! 咩運動, 都係唔講住, 睇下一個月後有無成果先!

大家都要加油呀!