Baby 的5-11W

知道有BB後, 心情又興奮又擔心...因為有好多關要過...
係5w時, 我就去左照B啦...因為成日擔心會唔會係宮外孕...

好開心, 照到胎囊係子宮入面!
5W 有1.09cm

 

有左之後, 一心諗住睇孫醫生, 但新症要等一個.......但我又想知BB有跳未...

到左7W時, 聽D 姊妹話法國照都係$350, 所以想去照下, 睇下BB有無順利有心跳, 

又過一關! 見到baby 唔係胎囊啦, 真係有BB及有心跳!

終於等到9W睇孫醫生啦, 無白費我等咁耐, 佢部機真係傳聞中好新, 好清, 有FREE 3D! 

9W時, BB已經有手手腳腳, 短短地旭旭下, 好得意. 

9W已經有4.3cm 

到左11W, 因為上次法國有BOOK覆診, pat pat痕又去照...見到baby 隻長左, 手舞足動, 好可愛, 但相唔清, 我就唔POST啦.

11W有5.6cm

 

 

估唔到的你來臨了!

本來諗住2月開始試造人, 但因為身體出現左D小問題, 要做個小手術, 所以就要推遲LI個計劃.
休息左一個月...3月中開始量下體溫, 發覺自己體溫都幾低, 心諗咁咪好難有??? 仲要無乜高溫期...所以就開始浸下腳, 飲下黑糖薑茶睇下有無幫助. 到4月就開始LI個大計, 仲去左個旅行, 不過去完旅行無幾耐就M小姐黎左! 之後4月尾...因為婆婆突然走左...都無心機了...基本上都無乜心情去DODO...所以進行左2次...到婆婆辦事果晚, 我半夜肚痛(好似M痛咁) 痛得好勁...痛左都有1個鐘...(約day 17) 之後個肚日日都KEEP住怨痛, 但又唔係太痛...但量體溫竟然KEEP高...係day 20 又去睇中醫調理身體, 個中醫仲話D中藥有左BB都食得喎...奇奇怪怪...
之後果兩星期, 肚都KEEP怨, 扯住, 肚脹, 胸痛, 最奇怪我KEEP到高溫, 所以係DUE DAY前一日我係早上去VV時忍唔住驗左...竟然...見到兩條線! 老公仲訓緊....自己係床都緊張左兩個鐘...醒左同佢講...大家都唔係好相信...因為都係DAY30....諗住過幾日去睇醫生, 但過兩日又忍唔住買CB 黎驗, 2-3weeks.....嘩, 真係唔相信...第二個cycle懶懶中攪掂左!

雖然幸福地中左...但要面對嘅難關有好多...點解會怨痛啦, 係唔係宮外孕啦, 唐氏啦, 結構檢查, 順利順產嗎等等...

希望一切順利! BB加油~

 

Baby Planning

結婚一年多, 終於決定生BB, 其實老公好鐘意細路, 而我對BB事情都幾熟, 可能太多朋友生過BB, 由其LI幾年.

網路上好多幫助懷孕嘅訊息, 量溫度, 排卵條, 排卵機等等...我先會選擇從心的順其自然, 再加量體溫, 試一試佢先.

另外,飲食方面...多加注意, 係咩呢, 唔食生冷野, 唔飲凍野, 唔飲咖啡等...
咖啡真係好難介, 我太愛咖啡啦!!!!!!!

仲有食定維他命及葉酸....

還有嗎? 請指教~