第三十七篇之完成地板及廁所櫃

今個星期六上去, 終於見到多D野啦, 鋪左地板, 廁所櫃到左, 綠色書房牆油左, 門鎖都裝左啦! 黎近一個星期就係FINAL啦, YEAH!!!

 

第三十六篇之新進度

新屋今日就會鋪地板啦, 將萬向一步一步完成...前一日就送左D地板黎,

而窗台櫃都送左黎啦, 可以放到好多野!

 

第三十五篇之房門

房門裝左啦, 不過鎖未裝, 會係LI兩日裝埋.

LI款係我男友簡架, 我都覺得幾靚, 又低, $900蚊@

 

 

倒數...迎虎年

好小係LI個BLOG到講自己野...但都想比一D一直傾開計嘅BLOG友了解下我...

2009牛年...對我黎講, 真係大起大落...起係上半年, 落係由下半年開始...

事業...

LI樣野對我黎講一直都唔係最重要, 我係放家庭, 伴侶同朋友係第一位, 可能事業一直都不過不失, 無太好, 亦無太差...不過自從去左之前間公司, 可能就係我對事業嘅感覺從身定位! 由07年9月去到LI間公司, 一直無好過, 工作上, 人事上...一直覆雜, 日日好似坐過山車咁! 但就係因為咁樣大起大落...令到我變得強壯, 進步, 開始對自己嘅事業有要求.  由以前乖巧聽話嘅我, 到而家識得去表達意見, 努力求進步嘅我. 年幾前, 由LI位新阿姐上任開始, 佢懂同睇到我嘅優點同努力, 我開始不斷壯大, 不斷多人羨慕...所以...是非一定有! 亦有人會眼紅...其實我一直無諗過爭, 上位...係LI個時期, 我係學習期...而唔係上位期...阿姐亦都知, 佢亦知道我做到野, 所以不段提攜我, 我好感激佢, 但好多人都諗錯哂...不過清者自清, 懂我同阿姐嘅人會明白, 係有D小人會諗錯隔離. 我做出黎嘅成績有目共睹! 但往往好人亦會比D小人所害...一天, 香港公司的新老細無啦啦叫左我入房, 同我講今日係我嘅LAST DAY, 我完全晴天霹靂, 發生咩事? 一直做得好好嘅我, 點會比人炒? 而我阿姐又一定唔會炒我, 要炒, 都會炒部門人工高, 無野做, 日日吹水果D啦...但個大老細話乜都唔知, 都係收指示做野, 好對唔住...佢補錢比我, 寫埋REF LETTER比我, 同我SAY哂SORRY...出到黎, 我第一時間入左阿姐間房問佢咩事...佢話佢都唔知...講講下, 我先知佢都係今日LAST DAY! 我再忍唔住啦...點解會有D咁嘅公司...我同阿姐一直好努力改進公司嘅表現...點解? 乜就係有D小人想整走阿姐...係美國大老細到講左好多說話...而我LI個小人物, 都被拖累! 心有十萬個不甘, 做得咁辛苦為咩? 得黎咁嘅結果...個心幾個星期都平靜唔倒! 我並唔係留戀LI間公司, 而只係擔心...因為果時係剛剛買左樓, 一堆錢要比, 如果唔係...我一D都唔擔心, 慢慢先搵工...就因為咁...害得我好慘...幾個月無收入, 見男友唔想我擔心, 自己食哂! 11月2...係我嘅最後一日返工...到而家...3個月都黎緊...年尾真係好難搵工...真係唔知點算好...見左7份, 有3份都好似OK...但到最後都係無左, 可以比個希望我嗎?

身邊人...

屋企人今年都好多病痛, 公公, 婆婆身體又越黎越差, 男友又無啦啦入醫院, 阿哥臨年尾都整獲甘, 借左8500比佢...我已經無錢架啦...唉...

生活...

今年可以話好大轉變, 因為置左業, 諗都無諗過會係今年...但我地無後悔過, 雖然而家山窮水盡, 但一諗起間屋就黎攪掂, 都好開心, 又有LI個機會比我搬返黎老家陪下屋企人, 盡下孝道.

我相信奇蹟...可唔可以比個奇蹟我? 我需要一份可以安穩學習同進步嘅正職...LI間係我新一年嘅願望....但就算我相信...LI幾十日黎已經將我嘅自信心一步一步咁消滅...

 

 

第三十四篇之一堆送貨日期

前兩日同師父見左面, 因為見到進度好似趕唔切咁...D木工好似乜都未做咁...

問一問師父, 原來櫃同團身牆係出面做, 送黎裝架...咁都放心D! 因為應該要開始架MA...不過都比預期遲左小小...一個星期倒啦, 不過唔緊要啦, 因為我地決定過埋年先搬呢! 所以一堆嘅送貨日期全部要改喇.

2月1送廚櫃同裝

2月2裝廚櫃枱面, 送傢俬及裝

2月4送SOFA

2月6送廚房電器, FF傢俬, 燈連裝

2月10送及裝爐頭同抽油煙機

2月13送廳電視及裝

第三十三篇之倒數6-10天

因為男友身在醫院, 新屋嘅事就好似無乜點理, 但我係LI個星期都要負責跟進好多野...約期, 定期, 進度, 一D選材, 等等...都幾忙, 每日仲要進出醫院, 又想多D時間陪下佢...

所以LI篇BLOG一次過講哂LI期嘅進度啦!

1) 傢俬定左2月2送貨, 廚櫃定左2月1-3分別送貨及按裝.

2) 新居已經進入最後LU...廁所地磚鋪埋, 木工進場.

整緊燈糟同埋換左門框

3) 房門鎖及大門鎖, 今日自己去左買哂D鎖, 好鬼重, 最後都係搭TAXI上去呢...

Bless...

今日LI篇BLOG, 同我嘅新居無關...只係心裡非常擔憂...所以想係到寫出黎...

我嘅男友現正在醫院, 唔知因為咩原因...估計係細菌感染, 頸到起左個POT, 打針食藥都唔得, 而家正係醫院CHECK下咩事...好好好擔心呢...究竟咩事...希望只係真係細菌感染, 掉左一晚礦生素就好D啦...

大家可以一齊祝福佢無事嗎?

第三十二篇之日子預算

日子一日一日咁迫近...但好似仲有好多野未整咁...但CF又口口聲聲話無問題...再黎就係擇日子嘅煩惱喇, 因為身為中國人, 點都有D迷信...入伙LI家野, 話住起碼十年八年, 自己運程又處於低潮期...都係做足好D.

但講起D日子, 真係頭都暈呀...事關我鐵地2月7號搬, 有一個星期執野過年, 又要就星期日哥哥得閒...所以搬就一定係7號搬架啦, 但入伙要係當天OR之前做左儀式...但廚櫃公司又要4-5號先可以裝爐...但4-9號都無好日, 4號都得, 但沖我男友...所以就唔得...咁下一個入伙好日就係10號, 但10號實在太遲...真係唔知點算好!

仲有, 關於風水學有入伙, 安床, 安爐等說法...究竟邊樣先最緊要? 定係要一日做哂...邊有咁多吉日...而入伙係通勝入面係咪即是"入宅"? 照計, 安爐同入伙儀式應該係同一日...係咪呢? 真係唔識咁多野....你地有無人可以解問我呀?

第三十一篇之鋪磚2加新進度

星期六再上去, 廚房地磚鋪好左啦, 好滿意呢  廁所就做左防水, LI兩日去鋪埋地磚. 之後就開始做木工啦, YEAH! 快D快D!

而廚房覆尺都攪掂, 但原來21天係唔包星期六, 日...唉, 要成2月頭先造起, 有D失預算添...

而潔具都買哂啦, 用GROHE+ROCA, 又攪掂一樣野LU.

而浴屏當然係SUNRISE啦, 會用3玻璃推門.

 

第三十篇之雪櫃決定

LI個星期六出左去睇雪櫃, 攪黎攪去, 睇黎睇去...都係攪唔掂...之後去左MK間豐澤, 再睇...之後又撞返一年前果個SALES...哈哈, 點知.......................我地竟然又買返SAMSUNG! 之前諗咁耐, 點知無啦啦買左一直無諗過嘅SAMSUNG! 但真係低好多, 同埋個肥哥哥講D野都係事實, 日立都係得個靚字...實際容量唔化算. 個自動制冰原本幾年要換, 雪櫃內都字明左...成700蚊...我又係SAMSUNG FANS...佢D機又真係型, 所以...哈哈...條友仲送左4大盒洗衣粉, 一SET清潔套裝, 好低!

第二十九篇之雪櫃

一早已經諗好會買邊隻雪櫃, 所以一路無諗過其他, 只係舊同事朋友買HITACHI平, 所以一早會搵佢買, 自從買唔到冷氣機之後, 已經即刻CHECK埋佢雪櫃, 點知無我地要果隻色...唉, 真係一樣都買唔倒? 激死, CHECK左ECOX, $5480, FD買就$4700, 街就$6400, 點都差好遠...點算!

THEN MITSUBISHI係百老匯做緊PROMO...SIZE差唔多, 但好似無日立咁好喎

第二十八篇之大門門鎖

我一直都有諗換門鎖, 但係又唔知換唔換好...昨天上去睇, 個鎖真係好殘好LEUNG...真係越黎越想換...點好呢...1000留下可唔可以換到把OK嘅門鎖呢...男友近期因為計落超哂預算, 都好煩...我都唔知佢同唔同意換...但個鎖真係花哂...唉...因為我唔換大門, 所以簡鎖係咪會有規限呢? 有無人可以答到我呀? 有無好介紹?

第二十七篇之鋪磚及裝冷氣

新居不見3日,突然好快地鋪哂廁廚D磚及裝埋冷氣添...原本可以咁快, HAAAAAAA, 等我介紹下D磚

廚房:

牆身, 啞白磚, 一句講哂, 簡單得黎靚, 哈哈...地下用淺灰色 (地下未鋪)

 

廁所:

牆身係米白色有暗波浪, 最貴的一隻磚, 因為我實在太鐘意, 地下用廚房同款的, 不過係淺灰白色

分體冷氣都裝好啦, 喉位遲D會做木工遮蓋

第二十六篇之新進度(1個月)

不知不覺個屋已經裝修左一個月...但仲係爛屋一間, 係咪有D慢呢? 我地要求CF 1月29起貨, 其實真係唔知得唔得...希望OK啦, 而家做緊批當...LI幾日會鋪廚房磚, 好想快D睇到呢...