奇妙姻典執左???

大家請留意..............唔知係咪真呢, 我朋友好似BOOK左喎!

http://wow.esdlife.com/space.php?uid=23&do=blog&id=65212

錢

大家D錢係邊到黎??? 投資???

LI一年睇得太多準新娘嘅Blog, 但發現到一個現象...有一部份新娘子以及另一半都好侯生...講緊好似得廿幾歲...但個個籌備婚禮嘅旦藥好似好雄厚咁! BOOK 4星以上酒店 (講緊30萬min charges果D), 其他野都係幾萬幾萬咁架...同埋可以買樓+結婚同一年進行...真的可以嗎?????????? 我D數諗黎諗去都諗唔掂, 點解大家可以咁叻架??????我諗我同男友真係要努力D啦!

酒席出讓

大家唔駛擔心, 唔係出讓我嘅酒席, 我都未BOOK~

有個朋友因為某D原因而唔結婚住, 所以要讓比人, 如有興趣請私人留言, 謝謝.

日期: 2012年11月25日 星期日 (好似可改)

地點: 九龍灣九展某婚宴專家酒樓

圍數: 最少30圍, 最多65圍, 海境

酒席跟09年菜單

已比3萬訂金 (出讓折扣: 有興趣可傾)

 

B2B 的準備

準新娘有幾多野要準備呢? 其實唔好講笑, 真係幾多!

- KEEP FIT

目標到11月減去10-15磅 (懶到而家都未開始, 睇黎都.......)

- 護膚 (全身) (面最為重要)

目標(面): 3星期做一次facial, 婚前3個月就2星期一次, keep住用B5

目標(全身): 起碼每晚都用潔淨球

- 牙齒

目標到11月用到一個漂白牙貼療程

- 脫毛

目標.....都係影相同結婚前攪

- 除黑眼圈同眼袋

目標: 唔好懶, 日日用eye cream

- 手甲

目標.....都係影相同結婚前攪

- 流長髮

目標....流緊, 仲有一寸先到膀頭

- 修眉

目標.....都係影相同結婚前攪

- 電眼睫毛

目標.....都係影相同結婚前攪

etc......................都幾多!!!!!!!

我的Pre-wedding

上星期婚紗展, 我都係諗住搵下D場地資料, 行完一輪之後都係無乜收獲, 就睇下D攝影公司, 其實我自己一早睇過好多, 搵過哂D資料, 不過一日未BOOK到場, 一日都做唔倒D咩, 所以都係諗住睇下~

至於Pre-wedding, 我地會影一次, 而我一早已經有心水, 因為實在太鐘情佢地D相...但上網搵過D資料, 都知道佢地好貴, 因為個攝影師以前幫阿RAIN影開相, 一定唔平啦...但真係太鐘意佢地D 相...所以不停搵緊有無第二間差唔多, 但就平D...但真係搵唔倒...我鐘意一D開心, 陽光, SWEET, 唔駛扮型, 唔駛影夜景嘅婚紗相, 另外服裝同化妝以簡潔為主...韓式婚照就最O岩我...一年前已經睇開佢地D相, 真係越睇越鐘意!

同埋咁O岩LI排陪朋友簡婚照, 發覺果D大牌婚紗店舖, 到左簡相時, 乜都加錢, 有D癡線...同埋唔係好老實...有D驚...大家簡PRE-WEDDING公司真係要小心D, 問清問楚呀!

好啦好啦, 開估啦, 我鐘意果間公司係Reno 呀! 佢地D人全部好NICE, 同埋明碼實價, 幾多就幾多, 乜都包哂, 最緊要自己辛辛苦苦影返黎D相可以攞返哂D SOFT COPY! 我初時諗住要4,5萬, 應該過唔倒男友果關, 所以都係諗住得個睇字...不過果日婚展見佢無乜人, 所以坐底傾下...一傾...D package太吸引啦! 男友睇完D相都勁鐘意, heeeeeeeee, 就係咁, 一D都無諗過咁快JOIN PRE-WEDDING嘅我地, 就JOIN左佢地, 我地最終仲簡埋係韓國影, heeeeeeeee, 真係勁開心呀, 可以影間自己咁鐘意嘅! 雖然比我預算超左D...但我相信係值得! (不過第一件已經超...之後果D咪.........) 總之要努力D儲錢啦, 為左我嘅完美婚禮!

相片來原自: Reno

給我的bloggers!

LI排為左場地, 周圍搵資料, 不停睇Blog, 不停問問題, heeeeeeeeee, 但真係發覺我D blogger真係好好人, 個個都share資料比我, 令我搵場都易D, 起碼知道有D太貴, 太細, 服務唔好, 全部OUT哂...真係多謝你地呀!!!!!!!!!!

雖然睇黎睇去, 都係九展個場最適合, 到而家都唔知點好.......但多謝哂咁多位準新娘嘅分享, 祝大家都一切順利!!!!!!!!!!

一見鐘情之場地...

話說, 上一個POST嘅一見鐘情場地...琴日婚展前我都打去問過, 佢地話BOOK到12年12月, 咁都OK, 其他好多地方都未出2013價錢, 到左琴日, 我地入去睇下有無其他選擇之餘再去佢地個位到問問, 幾時會有得BOOK呢...

去到, 我認得果兩個算係高層D嘅人, 咁男友行埋去攞資料, 同埋算便問問...但佢地嘅答案直頭係求其, 唔想做, 唔休做, 無heart 囉....其實, 我地已經表露出好想BOOK, 問埋點樣知道你地幾時有得BOOK, OR 你地可以聯絡我地等等...佢地嘅答案係, 而家D人唔會BOOK到咁耐之後, 又話通勝都未出...咁.....2012年嘅12月同2013年嘅1月.....又有幾大分別呢? 佢仲要話, 你預年尾, 10月打後...但而家D新娘子, 個個都一年半至兩年前BOOK架啦...就算你無得BOOK, 又可唔可KEEP返D客人嘅CONTACT, 有消息通知我地, 佢地係唔會咁做...仲好似想趕我地走咁, 唔好左住佢地... 佢叫我地自己久唔久打去宴會部問.....唉, 都係了唔倒件心事, 未BOOK酒席, 當人攝影同化妝都唔BOOK得, 但LI兩樣野係好搶手架麻.......

我地有諗過轉場, 但琴日攞左好多資料, 都無乜地方O岩....始終果到係最適合...唉...為有得D無heart嘅人出到2013年嘅價錢啦...

其實我地係鐘意, 個場有窗, 開陽, 感覺年輕D, 同埋有户外註冊場地, 有琴, 個台唔好太細...睇黎睇去, 果到係最好....

一見鐘情嘅場地

我同男友有一個共同我地認為係優點嘅優點, 就係睇中一樣野, 好少再比較, 立即行動, 好似買樓, 一睇中, 無考慮太多就買左, 而結婚場地, 係佢求婚不久, 我就發現左LI個新場, 仲要有開放日, 所以即刻報名睇場, 不過已經係1月嘅事LU...

因為我同男友都好好動, 水同雪都O岩, 所以我想有個場地係有露天位...可以露天行禮..同埋整體感覺年輕D, 仲有...比我有開心嘅感覺! 其實一睇相, 我已經覺得中哂, 當現場睇完之後, 更鐘意!

但奈何, 當日佢只可以BOOK到2012的3月, 如果唔係, 我諗男友會即刻比錢! 等左兩個月, 今日再打去問, 黎緊婚紗展會唔會可以BOOK2013年頭, 但佢話未得, 今次婚紗展都係BOOK到2012 的12月...唉, 咁點呀, 會唔會出嘅時候我又BOOK唔倒LI到...佢話要年尾先可以BOOK, 唔係MA...........但其他場, 我又睇唔O岩, 睇O岩都好貴, 點算呢!

3月8日

今日係3月8日, 兩大日子...不過係一喜一悲, 所以都係不宜大事慶祝! 兩年前的今天, 我嘅小狗BOBO去世嘅日子, 兩年啦...都好掛住佢, 唔知佢而家健唔健康呢? 唔知係咪陪緊公公玩呢?

而舊年嘅今日, 就係我地入伙嘅大日子! 我地搬左入黎一年啦! 話咁快就...時間真係過得好快, 但竟然仲有朋友未請黎...真係唔好意思呢...哈哈

我的婚禮

好似好耐都未有update我婚禮果到點...其實我都唔想, 之不過真係未做到D咩, 不過LI兩日都有新進展啦, 話說決定左唔同個衰人爭, 我地讓步...簡2013年2,3月~ 去完旅行返黎就同男友去左黃大仙擇日, 佢本身$580架咋, THEN 2012 要$680, 2013要$780...為左佢, 我地又比多左$100~相信其實野都會因為係2013年, 都會加左價!

其實我對我嘅婚禮已經有哂IDEA, 好多野都心裡有數~不過全部都未有實際行動, 除左地點, 我地已經有睇過一個地方, 就係一個地方, 我地已經好鐘意, 而家睇佢幾時可以BOOK到2013囉...同真係要傾下D細節~

至於其他野, 我知道哂自己鐘意咩, 但你錢係一個問題...所以要再睇多D, 睇下可唔可以有意外收獲~

師父已經比哂日子我地, 都幾滿意, 好多日可以簡, 希望快D攪掂啦!