下個星期就要上律師樓比埋大訂啦...一下之我地嘅錢就清哂...有D失落...不過唔緊要啦, 好快返黎架啦, 兩年啦!!!
其實仲有個幾月先收樓, 但一直都好擔心收樓次後嘅裝修...第一, 錢啦, 唔知需要幾多錢...第二裝修師父啦...第三, 個屋嘅設計!
師父同設計係好緊要, 但一條龍式果D又好貴, 所以我諗我都係跟D BLOG友咁, 搵個好師父, 但D傢俬就搵設計公司訂造.之於師父...其實都幾煩, 因為本身爸爸係識裝修, 但正職唔係裝修...亦好耐無做過LU...我怕好多佢都唔知係咩...例如暗門, 假天花...果D...唉, 但爸爸D手工係好好...唔通我要拆開好多PART黎做??? 而我親愛嘅男友已經表明LI個PROJECT交比我啦...好煩呀!!!!!!!!!
有無人可以比D意見我?? 有無D好師父介紹??
因為間屋有排先收樓, 銀行果到又要等, 睇下邊間做到最好...li期個blog都唔會有野寫...都係周圍搵下d裝修資料, 搵搵搵...搵到個blog友都係剛買左樓, li個都唔係重點...因為佢係剛買樓, 都無咩睇, 更係睇下其他野...發覺佢原來同一時間都攪緊wedding, 一路睇, 本以為係女仔...因為係女仔先會咁細心, 咁緊要wedding嘅每一環...但睇睇下有d唔對路...睇下個標題...嘩, 先生黎喎! 真係超surprise...雖然我未有耐結婚, 但因為身邊好多fd結婚, 都幫佢地搵好多野, 而我對li方面又有興趣...所以不嬲都有睇開攪wedding嘅朋友仔d blog...但d blog全部都係女仔寫架, 記錄自己wedding嘅一切...所以知道係男士之後, 真係好surprise...亦都好欣賞!!! 好少男士會咁緊張d細節, 通常都係費事煩, 交哂比女友, 自己淨係比意見, 好少落手落攪...li位blog友亦比我感覺到佢地嘅喜悅同享受攪wedding過程...事關身邊聽到嘅係...唔好攪咁多啦, 好煩架! 其實我一d都唔贊同, 一生人一次, 點都要攪得好好睇睇, 攪到人地都feel到你地嘅喜悅...佢地係第一次比我有li種感覺...好羨慕呢...
希望li對新人有個完美嘅婚禮~
其實本身自己都有寫開blog...但點解又開一個yahoo blog呢...因為想將新居嘅點滴寫落黎...同一d都為自己新居而努力嘅朋友一齊分享下.
其實我同男友係4年前都搬左出黎住, 一直都係租樓, 直至一次同業主不愉快嘅經歷, 就好討厭租樓, 搬黎搬去, 幫人供樓...耐何一直都儲唔夠錢!
直到今年年中...預計未來幾個月應該 (2010年頭)可以儲夠錢, d朋友就叫我睇定先, 選擇左地區再定埋個屋苑! 原先我地有3個理想地區/屋苑. 首選奧運一帶...次選海怡半島, 第三係南灣半島.
第一次去睇海怡, 入面嘅面積真係好理想, 實用率高, 最正係廚房, 超大呀!!! o岩哂我地咀形...好可惜樓市係咁升...同半年前差左60-80萬...好唔低, 事關li個係炒盤...好多放出黎都唔係用家, 最平果d又望公屋, 唔得囉.
再去睇南灣, 又係另一個感覺, 始終新好多, 入面好靚...樓又高...話比人聽我住57樓幾咁型...haaaaaa, 可惜實用率好低, 乜都細...
再去奧運一帶...嘩, 350萬先買到1樓...crazy...唔駛睇!
經過一輪睇樓團之後...決定暫緩買樓, 實在太貴啦...
不過周遭有d朋友偏偏係li個時候又買左樓, 佢地話息超低...買得過...搵返d住家盤, 上落唔係好大果d...係li個時候我突然又醒起之前想睇一個盤, 用家多嘅...即刻就去搜尋佢d放盤喇...估唔倒睇左兩個星期, 搵到一間好鐘意嘅...仲越黎越鐘意個屋苑添! 雖然比預期都係超左...但鐘意ma, 無計!
