旅行

不經不覺, 我和男友已經年半有多無去旅行啦...以前嘅我地, 一年去3次旅行都有...唔係著通短線喎...北海道滑雪...泰國...澳洲滑雪...真係好癲...攪到頭幾年一蚊都儲唔倒...但自從想過儲錢買樓後...一年只去一次旅行, 終於舊年買左樓啦...但...一下子所有錢就咁無哂, 又失業, 經過LI段低迷期...我駛錢係0, 最多買小小野, 真係小小, 幾百蚊...所以一切旅行, 滑雪等...所有停哂! 而家一直祈待緊出年年頭去日本滑雪, 係有男友嘅老婆本基金, 遲D結婚唔緊要, 最緊要活得開心, 滿足! 但而家有小小變化, 男友媽媽一直話今年返黎HK玩下, 探下我地, 但一直未CONFIRM幾時, 到左前幾日, UNCLE話D機票貴到飛起...可能唔返啦~知道男友有D唔開心, 因為佢想爸, 媽可以返黎抖下, 所以佢就諗緊一個念頭, 佢地唔返黎, 我地過去囉??? 因為佢都成4年無返澳洲家啦...的確耐左D! 以前佢最小兩年返一次...佢有D唔開心, 所以LI幾曰都CHECK緊D機票等等...睇下幾錢, 返去可唔可行, 佢又話不如叫埋細妹一PAIR返...咁可以SHARE D租車錢.

一CHECK之下, 竟然搵到好野, 永安有個PLAN, 機票+4天租車+一晚酒店都係5000一個人, 第3位以上就4000, 好似好低喎!!! 而家機票最平都要4500啦! 即刻SEND埋比佢妹睇睇先...唔知LI個突如其來嘅假期成唔成功呢??? 當然我地無咁嘅錢...咪又分期囉...節日禮物再減, 駛費再減...不過去得成, 都值得嘅!

最近好小寫野....?

最近好小寫BLOG...公司有事發生, 屋企有事發生, 朋友有事發生...LI幾日...就連整個香港都有事...

公司...幾位老細+朋友出現左問題...佢地十幾年朋友點解會咁? 我都唔明...裡頭存在左誤會, 自私同不信任...咁多問題, 點樣繼續落去??? 為公司好, 一定有人要退出...希望佢可以識諗...一切都好D

屋企...我嘅公公(爺爺), 佢突然身體出現問題...唔記得野, 唔記得人, 失禁...送左入醫院, 第一日睇佢仲突然輕微中風...當時真係好擔心, 好驚...跟住每日情況都唔同, 時好時壞, 有時記得人, 有時唔記哂D人...唔記人嘅時間好似癲佬咁...真係好擔心...但好彩報告出左, 身體上無乜問題, 係真係可能係老人痴呆...LI排都同D長輩傾緊點處理, 佢地就話一定要送去老人院, 話無人可以照顧, 因為佢唔識自己去廁所...但我地LI輩就想佢返屋企, 因為有多D人同佢講野...咁佢唔會差落去...去得老人院, 一定會更差...但我地都係後輩, 講唔過長輩, 公公都係琴日送左入老人院, 希望佢會一直好落去, 希望有一日可以接佢返屋企...

朋友, 除左公司果幾個之外...一對朋友已經BOOK埋酒席架啦...不過LI排嗌交嗌得好勁...鬧到話分手...當中兩個都有唔O岩啦, 佢地都係唔夠信任同體諒...唉...希望佢地會無事啦...

至於整個香港...LI幾日嘅傷痛, 真係好難用言語去講...難過, 嬲, 痛心...到左LI一刻, 希望佢地一路好走...整個香港嘅人都會支持佢地嘅家人...希望傷者會快D好返, 死者家人要加油, 整個香港都陪住佢地...

蠔宴

上個星期約左一班朋友黎食蠔同海鮮, 雖然要自己開, 但真係好好味同好低...不過太多蠔...又要開蠔...都幾亂...我意見係攪到屋企好亂...哈哈, 不過唔緊要, 值得嘅!

House Warming 第七回

無錯, 又係house warming!!!!!!! wahaha, 停不了...其實都仲未完架...仲有幾批人

今次係男友都細細個一齊玩大的朋友, 佢已經一仔一女架啦! 是日晚餐...男友又親自落廚, 以為人小小...點知都係攪左好多樣野出黎, thanks!!!

泡沫之夏...迷失中...

Li 期真係停不了咁”泡沫之夏”…從自睇TV版開始…到上兩個星期終於忍唔倒睇網上版…當然我會追埋個TV版啦…起初對LI套野好大奇望, 跟住開頭果幾集好長, 又未知套野講乜, 有D失望, 但睇到中間越黎越好睇!!! 所以終於忍唔住睇網上版, 對唔住個製作呢…

但後面果幾集真係好好睇, 好正的何潤東!!!!!!!!!! 深情男…我最LIKE!!! 上星期係誠品訂埋小說版返黎, 又煲LU…但估唔倒好劇情都一模一樣, 因為以往好多漫畫小說搬左電視都係改到嘔…佢無改到之餘仲跟足哂, 只係有D情節無拍…好正, 希望大家都支持下啦!

康熙来了 大S＋何潤東, 好好笑

ttp://v.youku.com/v_show/id_XMTgwNDEwNDIw.html