都有一陣子無寫LU, 因為都無乜特別好寫...不過今個星期就有D進度啦...雖然仲未定D裝修同傢俬...但上手業主比左個平面圖我地係有尺寸嘅...前日攞左去A HOUSE睇下佢散計幾多錢...
1) 5尺廳飾+鞋櫃
2) 7X8尺地台床
3) 5尺主人房衣櫃
4) 3尺掛衫櫃
5) 梳妝台
6) 書房6尺多用途櫃
7) 5房書櫃
8) 4尺書枱
大約5萬...其實男友覺得比出面貴, 但我地就幾鐘意佢地D DESIGN簡單, 同埋佢地幾老實囉, 唔會再另收錢, 有D+燈都要比錢...睇下裝修CF報價點啦, 如無意外, 都可能用佢地...
另外訂左SOFA, 因為做緊65折...同埋佢話到時如果有DISCOUNT平過LI個, 都會比返果個新DISCOUNT我地, 我地又覺得OK喎...又一定買佢地架啦!
仲有地板都落左訂...都係啦, 我地又係一定用佢地, 所以佢比多0.5折我地, 咁又訂左先..
LI排都係上網不停搵緊D資料, 自從上次"中招"之後, 而家乜都睇得定D先決定...師父都有幾個等緊我嘅尺數報價, 所以LI排都係自力搵造傢俬D野, 琴日去左九龍灣家居博覽, 開頭諗住去一間係網上成日有人話OK嘅睇睇, 點知搵唔倒, 知後就求其入左一間睇睇, 無乜特別...再去隔離, 有條四眼鏡設計師聊我地計計睇下預算幾多錢, 佢攞左張FLOORPLAN, 就係咁畫畫畫, 計計計, D尺寸計哂出黎...講左好耐, 又話暗門用牆紙, 平喎...但我聽人講易披口喎...佢又話唔會! 攪下攪下, 兩個幾鐘, 仲唔比人走咁...好累, 話大佬呀, 佢唔包廚房都21萬, 傻嘅咩!
之後終於走甩, 去左另一間, D野簡簡單單, 有PACKAGE...D款式簡單得黎好鐘意, D人又NICE, 唔會迫你, 好好心咁講解, LI間直得考慮!
但終結都搵唔倒CRXXX...原來佢門之無開架啦, 淨得OFFICE...攪到我地特登入去添!裝修真係好多野煩...睇見D網友入哂直路...唉, 有排煩呀! 不過...LI個過程個個都會經歷嘅, 我都會有入直路嘅時候!
加油!
好煩好煩好煩呀!
裝修, 傢俬, 廚櫃...頭都暈呀!
預錢方面都好難...
廚櫃: 名家廚, 中英 OR 廚櫃站
傢俬...唉, 都怪我地太衝動...但佢地嘅野真係好靚...而佢地又無迫我地落訂喎, 只係我地返轉頭...佢地又講到明兩個月喎, 唔係30天OR 45天...網上有好有壞...點算好呢!
