LI排都係上網不停搵緊D資料, 自從上次"中招"之後, 而家乜都睇得定D先決定...師父都有幾個等緊我嘅尺數報價, 所以LI排都係自力搵造傢俬D野, 琴日去左九龍灣家居博覽, 開頭諗住去一間係網上成日有人話OK嘅睇睇, 點知搵唔倒, 知後就求其入左一間睇睇, 無乜特別...再去隔離, 有條四眼鏡設計師聊我地計計睇下預算幾多錢, 佢攞左張FLOORPLAN, 就係咁畫畫畫, 計計計, D尺寸計哂出黎...講左好耐, 又話暗門用牆紙, 平喎...但我聽人講易披口喎...佢又話唔會! 攪下攪下, 兩個幾鐘, 仲唔比人走咁...好累, 話大佬呀, 佢唔包廚房都21萬, 傻嘅咩!
之後終於走甩, 去左另一間, D野簡簡單單, 有PACKAGE...D款式簡單得黎好鐘意, D人又NICE, 唔會迫你, 好好心咁講解, LI間直得考慮!
但終結都搵唔倒CRXXX...原來佢門之無開架啦, 淨得OFFICE...攪到我地特登入去添!裝修真係好多野煩...睇見D網友入哂直路...唉, 有排煩呀! 不過...LI個過程個個都會經歷嘅, 我都會有入直路嘅時候!
加油!
Any update lately???
回覆刪除[版主回覆10/21/2009 23:24:00]LI排都無睇住...因為都無尺寸...但業主剛比左個平面圖我地, 有埋尺寸架, LI個星期會開始搵人報價...你呢?