第四十五篇之大掃除

間屋其實已經攪掂, 係有D手尾未執, 要等CF過完年先, 發票嘅尾期已經比左, 不過未計電制同埋後期加嘅項目, 所以應該都仲有2,3萬尾數, 完全唔係問題, 個CF都好老實, 我都等緊佢初九後上黎執漏~下星期2都會裝埋窗簾, 咁就真係爭搬入去喇!

年廿九同三十都去左大掃除, 累到呢...我覺得比幾百蚊人好過...不過..........................

好快會POST新相, 等下!

第四十四篇之SOFA & 燈

我張貴貴SOFA到左啦! 真係好鐘意呢...

之後就係燈, 有搖控架!

第四十三篇之95%啦

嘩嘩嘩, 星期六開始就清場啦, 得返一個CF仔係到執漏, 見到地板, 電器到哂, 似返個家了...淨返爐, 燈同埋窗簾就攪掂啦, YEAH! 比大家睇住D相先啦~

買LI部係因為佢唔嘈, 但果日開好嘈, 叫中英再上黎睇下先.

搵左好耐嘅冷氣機

電視位未裝前

好滿意地板隻色

FRANC FRANC 傢俬

SAMSUMG獨家WALLMOUNT

第四十二篇之圍身牆

登登登登...我地嘅圍身牆送左黎及將近完成啦!!! LI個項目係我地最祈待同最貴架! 不過比起出面已經算平啦, 個圖案都係我諗出黎架, 比住小小大家睇先~

全長總共十五橫尺

第四十一篇之倒數啦!

星期四上去, 嘩, 又多左好多野啦, 等我報告下先...圍身到左, 面盤, 雲石裝左, 玻璃門裝埋, 龍頭都裝左, 好快啦!!!

廚房玻璃門

地下雲石同企缸雲石

面盤同龍頭

第四十篇之又要搭棚!

真係激死人!!! 事原係一個月前, CF見到條水喉又倒流蹟象, 見議我地換左條水喉佢, 如果唔係, 真係倒流嘅話, 會成日整濕個地, 諗諗下, 唔怪得收樓第一日已經見到廁所濕濕地啦..咁CF知道LI棟大廈如果要整喊水, 就要全棟大廈停水, 咁就問下我地加唔加個雜制, 我地話好丫, 佢話會問下管理處先加, 最後管理處都話無問題.

但到左前日, 又有人投訴漏水, 有人黎CHECK, 就係唔關我地事, 但就見到我地加左個雜制, 我問佢咩事, 佢話無事, 但到左第二日, 打黎嘈, 要我地拆左佢, 經過一輪爭議, 結果我地都係要拆, 就因為"外觀"問題ONLY!!! 其實而家新起D樓都會每家都加個雜制, 方便大家, 唔駛下下全棟停水, 有幾年OR以上D樓亦相信會加, 遲早問題, 真係激死, 不過CF話唔計我地錢整返, 男友覺得唔係咁好, 諗住同CF一人一半, CF叫我地記錄在案, KEEP單, 到時棟大廈要夾錢整LI樣野, 就攞返出黎同佢嘈!

第三十九篇之小部份潔具按裝及新進度

LI個星期日日都在趕工, 除左傢俬外, 有小部份潔具都裝左啦, 廚房玻璃門送左黎, 就黎會裝.

另外, 今日收到個壞消息, 管理處打黎, 話我地加裝水喉同整到牆身好唔干淨...唉, 一直又要打比CF問下咩事...唔好要換過呀, 要搭棚架...管理處嚴緊真係有好有唔好呢...

第三十八篇之按裝日 (廚櫃及傢俬)

今個星期二, 係我地好祈待嘅一日, 因為傢俬會送黎同按裝啦, 而廚櫃都係同一日, 初時都會擔心會唔會好難攪, 好亂, SO FAR都OK, 幾批CF都好合作, 以禮相待, 好難得呢! 彭CF D人仲識得中英個CF, 佢地話夾過幾次喎~因為按裝傢俬, 係重要一環, 我LI個無野做嘅遊民更係負責出去睇啦, 一日去埋A HOUSE到交尾數之後就上左新屋, 果時廚櫃已經裝左一半, 裝嘅CF好似唔理我咁...當我無到, 原來佢係聽唔倒野架, 所以聽唔倒有人入黎, 而佢講野都係有D問題, 不過都溝通到架, 佢好細心架, 又好熟手, 不過好似D野有D難度咁, 佢又係D力求完美嘅CF, 做到7點幾都未做完, 佢叫我地走先, 因為我實在太累啦, 企左一日, 所以我地就走先LU...唔知佢做到幾點呢? 有無比人投訴呢? 因為屋苑只可以做到六點, 我係到等緊時都心驚擔跳驚比人投訴

廚房塊灰色玻璃都按好左啦

而傢俬就一點到, 送哂上黎之後就係果兩個哥哥仔按裝, 唔好睇佢地好似D飛仔咁, 佢地好友善, 好客氣架, 都好小心, 好彩呀!

有排清潔呢.......