工作壓力

工作壓力...好耐無試過, 都係成年幾...搵錢真係辛苦呀!

想分享下工作...以前點都好, 都有阿姐頂, 最多比阿姐話, 雖然情況好少, 哈哈...而家...有苦自己知, 工作無前者, 一手一腳自己做, 做開坊牛, 搵得當然比以前少D...但我係ENJOY嘅...不過我想我做嘅野有人見到, 知我係為公司好囉...但近期, 忙得黎, 仲要做果樣又做LI樣, 都OK, 我轉得長工, 就遇左...但唔好咩都要我講, 但又唔AGREE...點呀! 最唔順係, 香港做零售真係好難做, 又要固品牌, 又要固SALES, 又要固倉儲 ETC....但好多大公司都係佢地玩哂, 我地做CONSIGNMENT, 乜都要親力親為, 但仲要食水深, 係勁深, 仲要唔提供SERVICE, 仲要多多要求...次次去到店舖, 個貨架同倉慘不仁道...仲要投訴我地貨架亂, 唉...真係生意難做!!!

大家唔好以為佢地賣D野一定好, 好多都係淘寶有, 但佢MARK UP幾倍...當然除左有牌子果D啦...

我講緊係香港出名嘅SUPERMARKET...而家仲有得賣家品同其他野...越開越多分店....

你地買得開心之餘...我地LI D背後嘅人做得好辛苦...佢地D店員完全睇唔起人, 又唔做野...成日係到吹水...仲話我地貨架亂, 咁你唔執.............唉唉, 生意難做!

結婚唔係兩個人嘅事!

結婚真係唔係兩個人嘅事!

係好多好多人嘅事!

事原...男友同我求婚後, 佢話佢想12年年尾...因為佢妹11年11月, 佢細佬就12年4月, 但問題係, 我哥一早話想12年12月....本來以為有咩特別, 要等到12年12月, 以為係為錢...無他, 只因佢條女想!!!!!!咁當男友求婚後, 就諗住同哥哥商量, 可唔可以早個幾月, 係10月尾OR 十一月頭, 我地就一月尾, 咁就隔3個月, 點知佢條女話十月唔得, 話打風又落雨喎! 我地話, 因為13年係蛇, 沖媽咪, 唔結得, 而10月又係男友生日, 又相沖, 媽咪又話要隔3個月, 總總加埋, 只可以要求哥哥早少少...點知.........如果唔係, 真係要等到2014年! 但哥哥今日再打比男友, 話十一月都唔得, 驚落雨! 癡線架! 未來老公嘅妹妹都唔就下...如果我地有辦法就唔駛求佢啦!!! 媽咪就話你地自己傾好幾時先!, 但又話"唉, 咁快兩個, D親戚一定嘈, 背後比人講, 連炸兩次"!!! 咁我點呀, 係咪結婚都唔O岩先...都唔覺佢地有喜悅呀! 最多我咪唔請親戚囉, 淨係請最親果兩圍, 其他淨係哥哥請囉............

都係佢條麻煩友, 媽咪話佢地都無講過話結婚, 都唔知12月, 佢條女永遠都係自私架! 其實我可以唔同佢地傾, 自己BOOK左場先, 我都係比佢哥哥, 先同佢傾.......點知!!!!!

好嬲呀, 結婚關父母事, 兄弟姊妹事, 亦都關親戚事!!!!!!!!!!!!!

我地幾時結婚?

我地幾時結婚???

大家都可能會覺得, 我寫完求婚後無左下文...哈哈....

LI個問題, 對我地黎講有D難度! 因為我地想2012年的年尾, 但.....我哥哥會差唔多時間, 而家要同哥哥傾下, 睇下佢會唔會早幾個月, 因為媽咪一直想哥哥結婚先, 其實唔單止哥哥, 我地LI兩家人, 由今年起都好多喜事, 男友妹妹今年12月會結婚, 男友細佬會係12年3,4月, 我哥亦係12年, 男友表妹都係12年...所以要就好多人, 最好全部隔3個月麻...

我地應該都係會去黃大仙擇日, 而家睇下哥哥點...同埋要搵返D時辰, 我地就想12年12月, 我想28 OR 29號...可以紀念佢求婚果日...heeeeeee, 不過都要睇下係咪吉日先...

幾時可以定日子呢....................

分期分期!!!!!!

自買屋後, 嚴重分期項目就產生左喇....每個月出糧D錢就去哂分期到....

但大家睇下!!! 我有兩項分期正式完結啦! YEAH...有一個仲係地板, 成1800一個月, 終於完啦..........YEAH YEAH YEAH!!!

他的求婚

2010年12月28日...LI日本來對我黎講, 只係放完聖誕假要返工嘅日子, 但當我照常放工買完野食返屋企...LI一日就變得不同了...

原本...係兩個月前, 我嘅男友已經話公司要清假, 所以請左幾個星期一嘅+12月28號, 佢話可以聖誕放多日, 當然我唔會為意有D咩....但到左幾日前, 即係放聖誕前, 佢日日都好夜, 佢話28號放唔倒, 太多野做, 要取消放假, 仲話公司個SYSTEM壞左, 所以28號唔放得, 當然我唔會覺得有D咩問題, 到左28號, 返緊工時收到佢SMS, 話全日要上SYSTEM TRAINING, 因為個SYSTEM UPGRADE左, 我當然亦無諗過有D咩問題, 好正常, 我舊時公司都成日要上, 因為SAP係成日都會UPGRADE架. 放工後, 佢SMS我, 話食D野就上返公司做野, 叫我自己搵野食, 咁我就好似平時咁, 係鑽石山行左陣, 就買野食返屋企, 未到屋企時, 佢又SMS我, 話放工喇, 果時係8點幾, 問我買左野食未...我SMS返佢, 買左喇...屋企見啦.

當我正諗緊點解條友不停SMS我之時, 我都返到屋企, 開門之後........嘩, 咩事呀, 點解佢坐左係屋企? 仲要成屋都係波波...我開門果時, 亦見到枱上有部電子琴, 同枱隔離有紮花...個腦真係一片空白, 亦好驚, 因為我知道佢要做咩...但我真係無諗過佢會係今年做LI樣野...但當時我好明顯係扮震定, 話"做咩呀你?" 佢叫我快D入屋, 放低D野...AND THEN佢就開始彈琴..............佢彈嘅係"唯獨你是不可取替"....我表面係好老定...但個心真係好動盪...佢一彈我已經想喊了, 但真係忍住...問題係點解我覺得好震撼, 彈琴O者...不過我無講嘅係...我男友係唔識彈琴, 只因我講過, 彈琴嘅男人真係好型, 好性感...如果你識彈就好啦...十萬個問號點解佢會彈到...雖然只係一段, 但我知道佢做左佢最大嘅努力, 為我去學一樣好難嘅野, 我心真係好感動...但我個人好衰, 唔會表露出黎, 死都忍住...佢彈完一少段之後, 就攞住紮花, 講左一段感人嘅表白...但當時太驚訝, 所以我要睇返片先知佢講左咩...當然我係SAY YES啦, 不過就係因為我講得太衰, 攪到佢以為我唔願意, 攪左一輪.....但經過大家傾談後, 果段插曲我地應承大家DELETE左佢...講返轉頭, 我SAY YES之後, 佢就幫我帶上戎子, 嘩.....隻戎子好靚, 係我鐘意嘅款式, HEEEEE, 佢仲買左隻係有GIA證書嘅, 佢話一生人一次, 唔想求其...THANKS, MY HONEY......

我在睇返條片...真係喊呀, 佢係我未入屋前一分鐘開始拍...係佢READY咁坐係琴前, 等緊之際, 對住鏡頭講, 好緊張呀, (SO CUTE)......THEN又講...唔好衰呀! 哈哈, 乜佢諗過我會SAY NO咩? HEEEEEEEEE

我真係好開心上天比左個咁好嘅人呀, 雖然我其他野都好平淡, 運唔係特別好過人, 但.....我覺得好幸運上天比左個咁好嘅人我....I LOVE U SO MUCH!!!!!

條片我應承左佢唔會公開...睇下D花絮啦!

第一次收佢送嘅花, 第一次收佢送嘅戎子, 第一次見佢彈琴(佢學左7個月呀)....I LOVE所有嘅第一次.

D波波我都唔捨得掉...