婚紗晚裝第一撃

上次講完我鐘意嘅婚紗, 好快地搵左幾間心意婚紗店, 準備進攻LI個ITEM!

全部約哂同一日去visit! 希望簡到心意嘅婚紗同裙啦!

就係以下四間, 如果大家試過, 有咩comments, 歡迎提供!

Blossom Wedding (好似兩樣都OK)

BV Bridal (佢D婚紗都好似OK)

Mariee (勁鐘意佢D婚紗)

Scent of bride  (D晚裝唔錯, 簡而美) 第一次去trial and visit, 係咪乜都唔駛帶呢?

健康減磅

自從去年開始開磅後, 其實實際我用左大約兩個多月去減, 其餘時間都係盡量KEEP~

 

而對我好WORK係…唐小姐的宇宙餐!

由開始試, 到接近兩個月, 我都有8-10磅嘅成績!

(當然有D情況係真係食唔倒, 我都有犯規架)

 

到左最近, 半個月前我又開始返…由最初最初去年9月到而家再試…

我都減左14磅, 當然未減前係有一排好肥, 之前平均都係118-120磅.

 

但去年高峰期, 我竟然去到128磅, 人生第二次到達LI個磅數!

接受唔倒!

 

而家都KEEP返115磅, 但D朋友唔係好覺,
哈哈….

但我自己著衫就好覺啦, D褲都鬆哂!

 

有BLOGGER問我,
有時出去食, 好難KEEP到宇宙餐,
都係架…

不過有D見義…盡量跟囉,
都真係WORK架.

 

例如食雲吞麵果D, 我會食: 淨餸+走油菜
OR 冬菇麵+走油菜

去食咖哩, 我會食: 咖哩雜菜飯

茶餐廳就最難, 有時我會食, 炆米+走油菜,
旦公仔麵, 沙律餐ETC…

 

希望幫到準新娘KEEP FIT啦, 最緊要減得健康!

我都未達標, 目標係110磅, 結婚當日就105磅!

高峰期

最近

婚紗

婚紗...一直知道自己鐘意咩, 同埋一直都有搵多D REF.
到左仲有十一個月...開始真係要行動下喇..但其他Blogger講得O岩, LI個ITEM都係有D痛苦!

我鐘意D好plain, 無乜哩士, 通花, 閃石等等....可以話係乜都無果D.
但香港普遍都係哩士, 通花同閃

搵到嘅...好貴....唔知好唔好用咁多錢係LI個ITEM上...
而晚裝, 都係淨色, 無哩士, 通花, 閃石, cutting好嘅晚裝.

真係好頭痛........點算呀.....有無咩提意呢???????

鐘意婚紗款: (最下面右邊果張, 就係上身最想嘅cutting)

My last single valentine's day

2012 的情人節...本來都無乜特別, 年年都有架啦, 前3年, 有兩年去左旅行, 有一年係年初一, 所以都有好耐無正式咁過LU...
但係一個星期前, 友人提起, 今年係你last single valentine's day...下年就係Mrs.Lo身份過啦, 唔同D架...(唔同D? 係咪結左婚, D男人就好求其?)
不過我都無乜特別...就算唔係LAST SINGLE...我都會安排好禮物, 比少少surprise 男友架~

幾日前就買左佢份禮物, 一對摟製式嘅滑雪BOOT, 因為佢從未試過有, 次次見佢著對鞋都10分鐘, 好痛苦, 而我就有對好方便嘅雪BOOT...
佢又唔捨得買, 次次都係買二手, 我真係好想佢擁有一對自己的...咁O岩而家季尾, 做緊減價, 不過減左都千幾蚊...
買完收係屋企, 等果日先送比佢...

2月14當日, 佢早出門過我, 我就係返工前, 將對難同咭好靚咁擺左係一開門就見到嘅位置, 等食完飯返黎就即刻見到, heeeeeee

咁我就如常返工喇, 撞鬼, 一返工, 做到無停手, 早餐, 水 都唔得閒飲......
接近12點幾, 我同事無啦啦隊左佢部手機比我聽, 話搵我...搵我? 打得比佢搵我, 都一定係男友, 因為佢地係FD...

我仲要好忙咁問佢咩事? 佢就好"cute"咁問我"你無睇電話咩?" 真係無喎, 電話都唔得閒攞出黎....佢話落一落黎樓下...
樓下? 點解會係樓下...但當時好忙, 答左一句OK, 無諗太多就落左去...

佢真係係樓下...攞住個盒飯...原本入面裝左佢自製的cookies...仲係Miffy黎...雖然有D唔似, 哈哈.........

下一刻我就諗...
E? 佢係邊到整? 今朝去學...? 佢話........屋企囉! E! 屋企, 咁佢咪見到份禮物囉........哈哈...佢話係, 佢話都幾surprise丫......
佢仲即刻試左...但惡號係...佢唔O岩............跟返佢而家果對都唔O岩..........激死, 不過XGAME知我係熟客, 比我換...
但一定要即日...........

於是.....我放工即飛的返屋企攞, 再飛的去旺角換...再趕去CWB食飯.......趕到我呢...........................都可以準時8:15到, 好彩!

但重未諗過佢咁重視LI個last single 情人節, 佢話, 最後一年單身情人節, 所特別D, 比D回憶我, heeeeeeeeeeeee

 

thanks my honey!!!!!!!!!!!

晚餐係四人遊, 第一次, 幾好丫......

 

 

 

戴秉信律師

因為律師D價都升得好快, 所以...無諗太多, 都係BOOK左戴秉信律師, 聽聞佢風趣識攪氣氛, 應該都無問題!

之前一直想係戶外證婚, 亦有諗過係屋企的大空地...不過因為考慮種種難處, 都係方便大家好D,
簡左係酒樓做儀式, 希望都OK啦!

證婚律師

好耐無寫BLOG啦, 不過係因為我嘅婚禮根本無進展
不過要開始新一輪攪下D結婚野, 如果唔係就會迫埋哂一齊架啦.

LI排搵緊D證婚律師, 但以我所知, 早一, 兩年出名嘅都係3千幾...但當我LI幾日問嘅價錢, 真係嚇親.

3大律師 (自己簡) 3個都有期.

1) 林志達律師 (朋友2010年結婚用過)
    朋友話佢個價錢係2800+305
    當然OK啦, 咁一於問下價, 點知到我問時...已經加左價.........100% 一倍呀!!!
    5500+305 囉, 駛唔駛咁貴!

2) 岑漢和律師
     覆左,無講幾錢, 淨係叫我比deposit....... 

3) 戴秉信律師
11年8月仲係3千幾...到我問, 已經去到5000...
但佢YOUNG D 同攪氣氛好D, 我諗都會BOOK佢.

而家真係乜都加, 繼酒席恐怖加價之後...乜都加加加呀!!! 婚宴真係咁好搵?