My 私人攝影師 Pre-wedding & Big day

佢唔係我Offical 攝影師, 但我相信佢嘅相仲靚過Offical~但點解我唔搵佢做Offical, 因為佢無vedio 配合, 同埋晚宴不能分身~
但我好開心佢幫我影左一攝Pre-wedding, 同埋參加我香港嘅婚禮, 做我"內定" Official 攝影師, 哈哈...

佢嘅相充滿訊息, 如果大家之前有睇我去韓國影嘅相, 都覺得好靚, 但大多數都有擺post 及有D不自然成份.
但LI位攝影師, 相中你會感受得到我地嘅心情, 喜悅...佢重來唔會叫我地擺POST, 係你同另一半互動下的照片.
超級鐘意!!!

但可惜不能介紹比大家, 因為佢係定居澳洲, 要影都只能係澳洲影.
如果大家去開澳洲旅行, 想順便影埋一攝簡單自然的婚照, 家庭照(佢好鐘意影小朋友), post-wedding, 我真係可以介紹.

My 澳洲Pre-wedding

My Big day: (全部都係不經意咁影)

婚後...物資 C

註冊簽名筆兩支, 黑色, 只簽過幾個名 :)
原價: HKD35@ (現售15@)

手花7個, 我勁鐘意個手花, 帶左好靚, D花又真:)
原價: HKD25@ (現售10@)

婚享>阿達婚車

點講呢...點解第一樣要講花車...因為我的花車在最後關頭壞車了!

可以講係我黑, 可以講係我同LI架車真係有緣無份!
但我無expect 過佢係我大婚日係距離我屋企5分鐘車程壞車囉!!!

當我化緊妝, 老公打黎話...做緊咩, 我話化緊妝囉, 佢話.....懷消息, 我即刻好大反應咩事????????
佢話架VAN係附近死火! 唔旭, 咁點算呀???????
我得架24座, 諗住兄弟飲酒, 無叫佢地揸車, 一架私家車都無, 而阿達佢一個backup車都無!!!!!
所以古老車全租出! 十萬個粗口想飛出黎!
老公話FD睇下可唔可即問人借, 搭的去攞, 係果時, 我醒起阿叔去左大陸, 佢架BENZ應該係屋企...
叫哥哥即刻打, 咁好彩地佢車匙係到, 我先放下心頭大石!
但真係勁唔開心囉...我唔鐘意benz, 偏偏最後係BENZ, 咁都無計, 唔通坐的士咩....

THEN將我一早預備的公仔, 蝴蝶結, 同just married 掛上benz到...好唔襯囉><

後來阿達個師機會拖車拖左黎我屋企比我影相...都好啦, 有相影下, 但我D裝飾一D都無影過, 因為係benz到...

件事最終完結, 第二日當然打返比阿達, 退返訂金啦, 點知打去...對話如下:
老公: 阿達, 你應該知道你架車死左火?
阿達: 靜左幾秒...係. (無唔好意思的聲音)
老公: 咁而家點呢?
阿達: 又靜左幾秒...咁你想點?
老公: 你係咪應該退返訂金比我地呢?
阿達: 咁你比個ACC黎, 我一陣過返比你

就係咁...收線!

我想講嘅係: 佢一直都好幫忙, 一直都好好, 我唔係想係LI 到講佢D咩, 只係...作為一對大婚日, 係15分鐘前知道自己架花車死火嘅新人, 係咪應該得到LI種回應呢?
連一句唔好意思都無, 我知道佢都唔想, 亦要用上一筆費用去拖車走及整車, 但你租得LI架車出去, 都知道會咁, 仲要係佢成公司都係古董車, 點解無backup方案?
例如自己有架新型D嘅車做backup, 起碼如果對新人真係乜車都無果時, 你唔駛對新人咁驚慌及衰到要坐的士. 我租得佢公司, 都係對佢有一定嘅信任, 及一向好評如潮, 佢當時只係想睇下有無辦法整得返架車, 但無想過幫我地諗另一個方法, 問返我地自己有無車! 好彩我真係有架banz O者, 如果乜都無, 真係坐的士呀! 我無諗過佢會咁嘅答覆, 未聽佢電話前, 都無想過要怪佢, 大家好黎好去, 但估唔倒係咁樣囉......>< 但要讚係佢師機, 真係出盡力想整返架車, 同不停say sorry!

所以大家如果都係租古董/古老車, 自己都要諗定會壞車LI個問題, 不過希望大家都一切順利, 唔好好似我咁><

評分: 5分 (10分為滿分)

 

新娘應注意

我嘅婚禮完結了...但愛完美的我, 總覺得有些遺憾~

當天最令我失落的事情:

早上的遊戲: 時間縮短了, 遊戲太簡單及無乜特別, 原先plan左嘅遊戲係幾好, 但後來乜都遲左, 所以縮短左, 而有兩個遊戲用具, 無去試, 點知一樣用唔到, 一樣要問攝影師借電先玩到, 拖耐左好多時間.

花車突然死火: 我嘅VW花車最終同我都係無緣, 竟然在屋企附近死火!!! 差D要坐的士!

攝影師遲到: 遲左成半個鐘, 姊妹同我都無影相, 激死.

老公結婚前病左, 又輕左, 眼袋勁左: 雖然果日我靚好緊要, 但老公係另一位主角, 我都唔想佢咁.

婚紗: LI件婚紗好鐘意, 但攞果日都發覺舊左好多同甩線, 雖然影相睇唔倒, 但咁貴租件婚紗...我唔expect係咁囉.

晚裝1號: 年晚裝我好鐘意, 好young, 但改左3次都唔係好合身, 到當日著都仲係爭D....

親戚狂影相: 我知LI個情況一定會出現, 但次數多到我連自己朋友都影唔到!

backdrop唔記得留底D prop!

backdrop地毯不停甩, 用左10分鐘去整!

Match in music 錯左

****其實都幾多小甩漏, 當然啦, 除左一, 兩樣比較大獲之外, 其他都係我個人要求高! 但始終另到我有D失落~

所以新娘應注意:

1) 各人崗位一定要分配好, 最好兄弟姊妹各有一個最細心的人睇住整個流程.
2) 物資List 準備足, 幾時用完, 放係邊到等寫清楚, rundown唔怕詳細, 寫多D, 唔好寫兄弟OR姊妹, 直頭落名邊個做
3) 所有物資等事前要check
4) 攝影師另願加鐘好過無乜時間影相
5) 前一晚盡訓, 我就食左醫生開的輕量安眠藥, 一覺訓天光
6) 前一晚唔好飲咁多野, 水腫
7) 全日保持笑容, 行路唔好望地下
8) 影相要MC在側邊控制, 叫名
9) 衫, 頭盡量少轉, 多些時間去賓客到影相
10) 一生人一次, 晚宴將想講的都講, 唔好怕喊唔講

祝大家一切順利!!!!!!!!!!

婚享&gt;序 (前數天)

婚享啦!!!
希望我可以盡量寫得好D, 等大家都有個參考!

回到前3天: 我同老公作最後排位, 簡簡單單咁整左個seating plan 同 枱號咭, 雖然簡單, 但我都幾滿意!
足足係公司攪到零晨兩點, 因為最後一天返工, 所以要係公司PRINT哂要嘅野先!
但好失察地用左粗雙面膠紙, 攪到插唔入佢原先個牌到, 為有插一半, 哈哈

LI個牌好簡單, 用EXCEL攪掂, 如果大家一樣想簡簡單單又唔想用佢果個, 我可share 個excel :)

另外最大工程就係完成排位, 堅頭痛!! 有D又13人不可拆, 有D得10-11人, 激死....LI個項目攪到癲左, 仲要為出咩格式而頭痛!
最後為左可整齊, 我用:

陳大文先生
陳大文夫人
陳大文闔府

大大工程之簽名版, 其實一路都係想D賓客可企係到簽名, 但我又唔想用foamboard, 因為太大, 留唔返...
所以我選擇效果無裱咁靚的"癡"方式!
先print 一張一樣尺寸的大畫(咁大都係$87), 再買現成白foamboard, 留意, 可搵左現成formboard大細先, 咪要好似我咁要駁formboard.
再一隻可"meat" 下的強力雙面膠紙, 即係貼上去癡力好勁, 但可以無痕咁"meat" 返落黎, 市面上係有架!
如果唔知邊隻, 我可提供相片~ 成品相:

再之後就係兩條自家片, Match in 我唔想整成長片段, 但又想share 我地LI 8年嘅開心事出黎, 所以我自制左條相+video 的短片,
老公之前未睇過, 當係送比佢嘅結婚禮物, heehee

另外一條, 就係送比屋企人嘅, 我覺得要係LI個人生最重要嘅日子表達所有想表達嘅野, 平時未必會講, 所以就同老公提議做條片比佢地!
佢地睇完個個喊到豬頭, 當然我同老公之後上台都係啦, 哈哈

兩條片我會係朋友版share :)
所有婚享如有相, 我只會係朋友 版share, 希望大家明白~