場地問題2

場地...真係個個B2B講係一大難題! 去完第N次婚紗展, 睇過哂D 2012年尾嘅價錢, 真係貴得離譜...唔係好合理, D舊酒店, 4星, D價錢都接近5星...同2009年, 足足加左20-30%...有無咁癲呀...10年MIN CHARGES 廿萬頭, 12年去到33萬??? 點追呀...D高級少少嘅酒樓, 好少少嘅餐都要8千, 8千蚊, 我又唔想比酒樓, 會所又睇唔O岩... 而家我真係唔上唔落...好頭痛, 兩晚訓唔著...

但我又諗, 好似日航果D, 個廳係幾好, 但佢間酒店真係好舊, 個新娘房舊到無人有, 但D價錢同新果D 5星都係差少少...係咪攪笑呢...好似朗廷, 我見人地10年個MIN CHARGES都係22定23萬, 而家12年尾要33萬...最低消費1萬1, 但要擺成30圍先得, 如果25圍又要簡貴餐...朗廷都要1萬3一圍, 咁我不如簡新果D好靚嘅酒店...

我同男友買樓, 結婚都係自己1蚊1蚊咁儲, 舊年比左一大筆買樓, 已經好傷, 而家結婚, 我地都係想搵個合適嘅地方, 真係咁難???