我返黎啦, 澳洲行後記 (一)

我返黎啦, 我返黎啦…….不過有D唔捨得我嘅假期…因為今次係兩年來第一次去旅行! 第一年因為買樓, 所以唔去, 第二年因為我失業, 所以唔去….所以心情特別興奮, 今次係回男友老家….不過今次唔駛去佢屋企餐館幫手, 所以去多左好多地方! 係SYDNEY留多左…4日咁多呀! 其餘時間都係去佢屋企果邊.

仲叫埋ANTIE, UNCLE落SYDNEY一齊玩! 今次同埋佢妹&妹妹男友一齊返去, 因為佢地出年結婚, 所以返去叫家長. 今次真係齊人呀, 8個人!

 

我地係星期5放工出發, 各自去機場, 12點上機…9個鐘呢, 最參嘅係…前面同隔離都係有歲幾嘅小朋友…不停喊, 想訓都難呀! 前面仲係大陸BB, 落機時見到….滿地垃圾, 仲有…………………………………………..屎片添呀!!!! 超恐怖! 落機都中午12點LU, 落左車後就去左租嘅MOTEL放低D野, 同埋第一時間沖涼換衫, 因為約左男友朋友同埋佢個仔去BODAI玩呢! 去左附近嘅市都食TEA, 澳洲的第一杯咖啡, 好好味! 但因為都4點幾, 中午仲好熱, 但一到4點就涼涼地, 所以去到沙灘都無落水, 連衫都無除呢. 不過可以同OLLIE玩, 佢好好玩架, 又成日笑, 好鐘意佢呢, 夜晚朋友帶我地去一個餐廳食飯, 要早幾個星期BOOK架, 真係好好味!

食完之後就同佢地SAY GOODBYE LU, 再約左另外一個FD 飲野, 佢瘦左好多呀, 因為佢有病…希望佢快D好返, 可以同老婆生BB啦!

 

第二日六點幾就要起身, 因為佢妹同佢妹男友第二日7點幾到澳洲, 要去接佢地, 之後我地去左DARLING HARBOUR行左陣, 飲左杯咖啡就出發去FISH MARKET食左個EARLY LUNCH, 買左好多野食, 好多蠔!

雖然我唔食生蠔, 但見佢地食得咁開心, 我都忍唔住食左隻, 真係幾好味…好新鮮! 之後就要JOIN 男友的爸, 媽同細佬喇, 其實都係周圍去, 去雪梨橋, 歌劇院影相, 同埋去左MARKET, 無乜特別, 食完晚飯就去左CASINO, 當然我係無得執啦! 佢爸執左400澳元, 佢妹男友就200澳元!

 

 

第三日本來去藍山, 但因為落雨, 無去到, 佢爸提議去FISH MARKET, 又去? 無錯, 又去, 因為佢地想食, 無計啦, 再去囉, 不過今日就食少好多了, 之後去左QVB SHOPPING, 攪攪下都4,5點, 我地就去左另一個TOWN食飯同買手信, 因為果到平好多, 食完就要揸車上佢屋企LU, 要成3個鐘架, 所以7點幾就開車啦!