相愛六年

六年...可以講話一段長嘅日子, 但又可以話短, 因為我地仲有好多段六年呢...

六年黎, 我地都相處得好好, 我覺得上天真係比左個好好嘅另一半我, 我地由相識到現在, 我都覺得好神奇...佢嘅外表係我嘅DREAM STYLE, (雖然唔係靚仔), 但我從來無諗過我會搵到一個好嘅男仔, 可能以前遇到嘅...個個都有大缺點, 佢嘅出現, 令到我嘅人生好大轉變! 當初識佢時...都會諗...如果男友係LI類型就好啦...從來無諗到佢會追我架...我會好珍惜同佢嘅感情, 希望我地永遠都咁開心快樂, 最緊要健康!

自問我係一個對男友100分嘅人, 佢想要同鐘意嘅野, 我都想辦法送比佢, TUM佢開心, 永遠對佢仲好過對自己, 當然佢都係一樣, 將最好嘅野比哂我, 真係好好...

謝謝你係我身邊

因為去澳洲用左好多錢, 今次周年食D平野, 再都係千千聲...不過都好好味呀!!! 海膽勁正, 埋單竟然係777.7喎, lucky 7!!!

今年送左對皮鞋比佢, 舒服D, 話哂佢日日都著...都唔平架...