第十七篇之傢俬圖, 特色牆及電器篇

星期六去左傢俬到睇第二次圖, 去到同DESIGNER即時傾, 即時改, 定埋顏色...仲簽埋圖添, 估唔倒咁快攪掂, 見D網友成日都話要攪好耐, 又同D DESIGNER傾到鬧咬...到暫時為止, 我地都OK喎, 可能我地一早知自己要咩啦, 希望繼續順順利利啦.

li排我地都係到諗緊我地副圍身牆點知, 同埋廚房門用玻璃門定木門, 頭都痛埋呀, 不停咁睇設計書, 都未搵到鐘意嘅樣...果日係傢俬鋪見到好多設計書, 就不停攞黎睇, 終於有d頭緒啦, heehee

星期日同師父上左去攪電制位, 師父話買得冷氣機啦, 我地會買hitachi...因為個fd有半價, heeeeeee

仲有電視機, 之前我地都係諗住買40", 但我覺得個距離應該買46", 但男友話唔駛咁大, 咁40"都ok, 但果日師父話要買46", 會o岩d, 咁如果46", 我地就唔駛買果個伸縮架喇. 男友即刻轉口風, haaaaaaaaaa